ငိုကြွေးလိုက်တိုင်း တဖဲ့ဆီပဲ့ကြွေသွားတာ ကျမရဲ့ ခင်တွယ်မှူတွေ ထင်ပါရဲ့။
“ အပစ်ပယ်ခံရတယ်ဆိုတာနဲ့ အားလုံးဆုံးရှူံးသွားတာမဟုတ်ပါဘူး
ဒါဟာ တယောက်ယောက်ရဲ့ သဘောထားမျှသာ ဖြစ်သည် ” တဲ့
ကျမ ပြုံးလိုက်မိတယ် ၊ ဘာကြောင့်လဲဆိုတော့ တယောက်ယောက်ရဲ့ ဥပေက္ခာပြုခံရခြင်းဟာ ကျမအတွက် ကမ္ဘာပျက်သလို ခံစားနေရလို့ပါပဲ ….
စိတ်ဆိုးပိုင်ခွင့် မရှိဘူး ၊ စိတ်နာပိုင်ခွင့်လည်း မရှိဘူး၊
ဘာကြောင့်လဲဆိုတော့ ကျမ သူ့ကိုမပိုင်ဆိုင်လို့ ။
အနေလည်းမနီးစပ်ဘူး ၊ အဝေးကြီလည်း မဟုတ်ပြန်ဘူး၊
ဘာကြောင့်လဲဆိုတော့ ကျမရင်ထဲမှာ သူရှိနေလို့ ။
ဖြစ်ချင်တာကိုလည်း ဖန်တီးခွင့်မရှိ်ဘူး ၊ ဖြစ်သင့်တဲ့လမ်းကိုလည်း မလျှောက်ချင်ဘူး၊
ဘာကြောင့်လဲဆိုတော့ ကျမ သူ့ကို သိပ်ချစ်နေလို့ ။
ဂစ်တာမတီးတတ်သူကလည်း ဂစ်တာတလက်ကို ပိုင်ဆိုင်နိုင်ခွင့်ရှိသည်ဟု ကျမထင်သည်။
နံရံမှာ ချိတ်ဆွဲထားရုံသက်သက် ပိုင်ဆိုင်ချင်မိတဲ့ ကျမ စိတ်ကူးကို ရူးနှမ်းတယ်လို့တော့ မဆိုနိုင်ကြပါဘူးနော် ။
“အတုတွေကလည်း နေရာတကာမှာ ပေါလိုက်တာနော်” တဲ့ ညည်းညူသံတခု ကျမကြားမိတယ်။
ကျမအတွက်တော့ သိပ်အံ့သြစရာမဟုတ်တော့ပါဘူး။ လောကမှာ အတုတွေများမှန်း ကျမသိထားခဲ့တာ ကြာပြီပဲ။ ပန်းအတု၊ ငှက်အတု၊ ရွှေအတု၊ မိတ်ဆွေအတု၊ စသည်ဖြင့်ပေါ့ ..ရေတွက်လို့တောင် မကုန်နိုင်ဘူးလေ။ တခါတလေမှာ အတုတွေများလွန်းလို့ အစစ်ကိုတောင် အတုလို့ ထင်မိတတ်ကြသေးတယ်။ မကြာခင်ကတောင် ကျမအတွက် လင်းတော့မရောင် ကြယ်အတုကို ကျမတွေ့ခဲ့သေးတာပဲ။
ကြယ်ဆိုတာ ကောင်းကင်မှာပဲလင်းတဲ့ အရာတခုပါ ။ ဒါပေမယ့် ကျမကတော့ ကျမရင် ကန်ရေပြင်မှာ အရိပ်ထင်နေတဲ့ ကြယ်လေးကို ရူးသွပ်စွာ နဲ့ ……
တခုတော့ ပြောချင်ပါတယ် ….ကျောခိုင်းလို့ ထွက်ခွာသွားတဲ့အခါ နောက်ကိုလှည့်မကြည့်ကြေးပေါ့ ကြယ်လေးရယ် ….နော် ..။
No comments:
Post a Comment