ကျမချစ်သော လက်ချောင်းလေးများအကြောင်း

လူတိုင်း၊ လူတိုင်းတွင် စိတ္တဇတမျိုးစီ ရှိတတ်ကြသည်။ စိတ္တဇဆိုသည် ရူးသွပ်မှူမည်၏။ ရူးသွပ်မှူဟူသည် အစွဲအလမ်းတမျိုးဖြစ်သည်။ စွဲလမ်းမှူမှသည် အကျင့်အဖြစ်သို့ကူးပြောင်းကြလေသည်။ လူအချို့သည် ရေဗူးကိုမော့သောက်ရမှ အမောပြေသည်ဟုအစွဲရှိကြသည်။ အချို့သည် အိမ်သာတက်လျှင် စာအုပ်တမျိုးမျိုး ဖတ်လေ့ရှိသည်။ တချို့ကျတော့လည်း မနက်အိပ်ယာထထချင်း ဗိုက်နာနာ၊ မနာနာ အိမ်သာထဲသို့ သွားထိုင်နေရမှ ကျေနပ်တတ်သောအလေ့ရှိသူများကိုလည်း ကျမကြုံဖူးသည်။

ကျမငယ်ငယ်တုန်းကတည်းက ခြေချောင်း၊လက်ချောင်း သပ်ရပ်လှပသော လူကြီး၊လူငယ်၊ ယောင်္ကျား၊ မိန်းမ မည်သူမဆို ကျမ နှစ်သက်သဘောကျလေ့ရှိသည်။ ကျမ၏ စိတ္တဇတမျိုးဖြစ်မည်ထင်သည်။ လူတယောက်တွင် ခြေချောင်း၊လက်ချောင်းလှပခြင်းထက် စိတ်ဓါတ်သည်အဓိကအကျဆုံးဖြစ်မည် ဆိုပေသည့် ကျမကို ချဉ်းကပ်သောအမျိုးသားတိုင်းကို ကျမစတင် သတိထားကြည့်မည့်လေ့ ရှိသည်မှာ ၄င်းတို့၏ ခြေချောင်း၊ လက်ချောင်းလေးများပင်ဖြစ်သည်။

ထိုနေ့က mysuboo party ဆိုတော့ စာရေးသူတယောက်အနေဖြင့် ကျမစိတ်လှူပ်ရှားမိသည်မှာ အဆန်းတကျယ်တော့ မဟုတ်လောက်။ အခြားသူများ၏ Profileကို လိုက်ကြည့်တော့လည်း ကိုယ့်ထက်အသက်ငယ်ကြသူများသာဖြစ်ကြသည်။ ထို့အတွက်ကြောင့်လည်း အားလုံး၏အလယ်တွင် ကျမအနေဖြင့် တသီးတသန့်ကြီးဖြစ်နေမှာ စိုးရိမ်ခဲ့သည်။ သို့သော် ကျမအား အလေးအနက်ထားဖိတ်ခေါ်မှူကို တန်ပြန်လေးစားသောအားဖြင့် mysuboo party သို့ ကျမရောက်ရှိခဲ့လေသည်။

အားလုံးထဲတွင် ကျမသတိထားမိခဲ့သော လက်ကလေးတစုံရှိသည်။ သူ၏လက်ချောင်းကလေးများသည် ရှည်သွယ်၍ သန့်ပြန့်သည်။ ယောင်္ကျားတယောက်ပေမယ့် လက်ဆစ်ရိုးတွေကြီးမနေပေ။ သူနှင့်စကားပြောသောအချိန်တိုင်း သူ့လက်ချောင်းကလေးများအား ကျမငေးကြည့်နေခဲ့မိသည်။ သူ့တွင် ထူးခြားသောရုပ်သွင်မရှိ။ သို့သော် ဖွေးလက်သောသွားဖြူဖြူတန်းလေးနှင့် ပန်းနုရောင်သန်းသော နှူတ်ခမ်းပါးတစုံရှိသည်။ သူသည် တခါတရံ မပွင့်တပွင့်ပြုံးတတ်၏။ သူရီလျှင် နှစ်လိုဖွယ်ကောင်းသည်ဟု ကျမထင်သည်။

ကျမသည် သူ့ကို ရင်မခုန်သည့်အတွက် “ အချစ် ” ဟု အဓိပါယ်ဖွင့်ဆိုရန်ခက်သည်။ တဖန် သူသည် ကျမ၏ချစ်သူမဟုတ်သည့်အတွက် သူပိုင်ဆိုင်သောလက်ချောင်းကလေးများအား မြတ်နိုးသည်ဟု ဆိုလျှင်လည်း အနည်းငယ် ခက်ကောင်းခက်ပေလိမ့်မည်။
သူ၏ထံ၌ ချစ်သူရည်းစား ရှိကောင်းရှိမည်။ ဘ၀အတွက်ရည်စူးထားသော လက်တွဲဖော်ရှိကောင်းရှိမည်။ ဒါတွေ ကျမနှင့်မဆိုင်။

သူ၏ လက်ချောင်းကလေးများမှ ဖန်တီးသော ကဗျာတချို့သည် ကျမကိုအပြုံးတပွင့် ပွင့်စေ၏။ သူ၏ လက်ချောင်းကလေးများမှ ဖန်တီးသောစာများသည် ကျမကို ရီမောစေနိုင်၏။ ထို့အတွက် ကျမသည် သူ၏ လက်ချောင်းကလေးများမှ ဖန်တီးသော ဂီတတမျိုးမျိုးကို နားထောင်နိုင်မည့်တချိန်ချိန်ကို ငံ့လင့်မိသည်။

ထို့ကြောင့် ကျမသည် ထိုလက်ချောင်းကလေးများနှင့် နီးရာဆီသို့ တလှမ်းချင်း …. တလှမ်းချင်း ။ ။ ။

မပြည့်တဲ့ လိုအင်

ကျမ စိတ်တွေ တဒင်္ဂ အေးချမ်းသွားတယ် …
ညဥ့်လေ အေးအေး တဖြူးဖြူးတိုက်ခတ်နေတဲ့ ကျမရဲ့ အပေါ်ဆုံးထပ်တိုက်ခန်းလေးမှာ ဒီလိုအချိန်မျိုး ကျမ တခါမှ ထွက်မရပ်ဖူးပါ။

ကြည့်စမ်းပါဦး ….ဒီညမှာ ကြယ်တွေ စုံလင်လှပါလား၊ ကြယ်စုံတဲ့ ညတညရဲ့အလှကို ကျမခုမှ ခံစားဖူးတာ အမှန်ပါ။

ဟုတ်တယ်…

အခု ညဥ့် နှစ်နာရီကျော်သွားပြီ။ အိပ်မရတဲ့ ညပေါင်းများစွာ ရှိခဲ့ဖူးပေမယ့် ဒီလို ၀ရံတာမှာ ထွက်ရပ်ဖို့ စိတ်ကူးမျိုး တခါမှ မရှိခဲ့ဖူးဘူးလေ။ ခုတော့ ဒီစိတ်ကူးလေးကို ကျမကျေးဇူးတင်သင့်တယ်။ နေ့ခင်းတုန်းက ဥဒဟိုဖြတ်သန်းသွားလာနေကြတဲ့ အိမ်ရှေ့လမ်းမကြီးပေါ်မှာတောင် ကားကြီး၊ ကားငယ်၊ တစီးစ၊ နှစ်စီးစလောက်ပဲ ဖြတ်သန်းသွားနေကြတယ်။ လှပတဲ့ နေရောင်ခြည်အောက်မှာ လူကြီး၊ လူငယ် အစုံဖြတ်သန်းသွားလာကြတဲ့ ဒီလမ်းမကြီးဟာ အခုတော့လည်း တိတ်ဆိတ်၊ ခြောက်ကပ်လို့ပါလား။ ဒါဟာ သဘာဝတရားရဲ့ လှည့်စားမှူလေလား၊ သူလည်း နေ့နဲ့ည တလှည့်ဆီပြောင်းလဲရမယ့် သူ့တာဝန် သူထမ်းဆောင်နေတာပါပဲ။

ဟူးးးးးးးးးးး
ကျမရဲ့သက်ပြင်းချသံနဲ့အတူတူ ကျမရဲ့အချစ်တွေ၊ ကျမရဲ့အမုန်းတွေ၊ ကျမရဲ့အာဃာတတွေ၊ အလိုလောဘကြီးသူအဖြစ် အပြစ်မြင်ကြမှာစိုးလို့ သိုဝှက်ထားတဲ့ ကျမရဲ့ဖြစ်ချင်လိုမှူတွေကို ညဥ့်လေအေးအေးက သယ်ဆောင်ပျောက်ဆုံးသွားရင် သိပ်ကောင်းမှာပဲလို့ ကျမတွေးမိတယ်။

ဒီအချိန်မှာ ကျမ မှီတည်နိုင်စရာ ပုခုံးစွန်းလေးတခုရှိရင်ကောင်းမယ်။ ဟိုအရင်က အဆိုး၊ အကောင်းတွေ ကြုံတွေ့တိုင်း လက်တွဲရင်ဆိုင်ခဲ့တဲ့ ချစ်သူရဲ့ လက်တဖက်လည်း ဘယ်ဆီကမ်းလင့်နေပြီလည်း မသိ။ သိပ်မကြာသေးခင် အချိန်ကာလတခုက “မ အနားမှာရှိချင်တယ် ၊ မ ငိုချင်ရင် ၊ ကျွန်တော့် ရင်ခွင်မှာ နှစ်သိမ့်ပေးချင်တယ်” ဆိုတဲ့ လူတယောက်လည်း ဘယ်ဆီ ခြေဦးလှည့်နေပြီလည်းမသိ။

တခါ၊ တခါ ကိုယ့်ကိုယ်ကို ဘာဖြစ်ချင်နေမှန်းမသိအောင် ခံစားရတဲ့အခါမျိုးမှာ၊ ကိုယ့်စိတ်ကို ကိုယ့်ထက်ပိုပြီးနားလည်နိုင်မယ့်သူမျိုး ကျမ အလိုရှိတယ်။ ဒါပေမယ့် … ဒါဟာလည်း ဘုရားသခင် မဖြည့်ဆည်းပေးနိုင်တဲ့ ကျမရဲ့ လိုအင်ဆန္ဒသက်သက်ပါပဲ၊

ဘာကြောင့်များ ကျမဟာ ဆုတောင်းမကောင်းသူ ဖြစ်ရတာပါလိမ့် …အခုဆို ကျမ အသက် နှစ်ဆယ့်ငါးကျော်လာခဲ့ပြီ။ ဟိုးငယ်ငယ်တည်းက အခုချိန်ထိ တောင့်တမိနေတဲ့ အဖေရယ်၊ အမေရယ် စုံညီတဲ့မိသားစုဘ၀လေးတခုလည်း ကျမမရခဲ့ဘူး၊ ကျမ ကြိုးစားပမ်းစားတည်ထောင်ခဲ့တဲ့ ကျမကိုယ်ပိုင်ဘ၀လေး တခုလည်း ပြိုပျက်သွားခဲ့ပြီ။ ဒါပေမယ့် ကျမတတ်ထားတဲ့ ပညာရပ်နဲ့ တင့်တယ်တဲ့အလုပ်အကိုင်လေး တခုတော့ ကျမ ရခဲ့ပြီ၊ ကျမမေမေကိုလည်း လူတွေကြားမှာ မျက်နှာမငယ်အောင်ထားနိုင်ခဲ့ပြီ ဖြစ်တဲ့အတွက် ကျမကျေနပ်ပါတယ်။

ဟော ……ကြယ်လေးတလုံး ကြွေကျသွားတာ ကျမ မြင်လိုက်ရတယ်။
ကြယ်ကြွေချိန် ဆုတောင်းရင် ဆုတောင်းပြည့်တယ်လို့ ကျမ ကြားဖူးတယ်။
စဉ်းစားစမ်း…. စဉ်းစားစမ်းကျမ ဘာကို ဆုတောင်းရင်ကောင်းမလဲ ? သိန်း၅၀၀ ထီဆုကြီးပေါက်ပါစေလို့ ဆုတောင်းရမလား ….. ဒါမှမဟုတ်ဒီထက်ပိုလစာကောင်းတဲ့ အလုပ်တခုရပါစေလို့ ဆုတောင်းရမလား ….. ဒါမှမဟုတ်ချစ်ဦးသူနဲ့ ပြန်ဆုံတွေ့ရပါစေလို့ ဆုတောင်းရမလား ….. ဒါမှမဟုတ်လောကကြီးရဲ့ အချိန် နာရီတွေ နောက်ပြန်လှည့်သွားစေနိုင်တဲ့ ပါဝါမျိုးရရှိပါစေလို့ ဆုတောင်းရမလား .. ဒါမှမဟုတ် …. ဒါမှမဟုတ် ….အို … ကျမမှာလိုအင်တွေ ဒီလောက်များသလားကွယ်။

ပတ်ဝန်းကျင်တခုလုံးကတော့ တိတ်ဆိတ်နေပါတယ်။ ကျမမှာသာ နောက်ဆုံး လက်ကျန်ဆုတောင်းလေး တခုတောင်းဖို့ ရင်ခွင်တခုလုံး ဆူညံနေတယ်။

ဒါနဲ့ပဲ အရင်က ကျမရေးဖူးတဲ့ ကဗျာတပုဒ်ကို အမှတ်မထင်သတိရမိတယ်။
“ ငါ့သံယောဇဉ် အမျှင်ဖြတ်မှ
နင်နဲ့ငါ ဆုံတွေ့ခွင့်ရမှာလား ?

ငါ့ရင်ထဲက အချစ်ကိုသတ်မှ
နင်နဲ့ ငါ့ခင်မင်မှူ ရှေ့ဆက်တိုးလို့ရမှာလား ?

ဒါဆိုရင်တော့
ငါဟာ ....
ကြယ်ကြွေချိန် ဆုတောင်းပြည့်ဖို့ ကြယ်ကြွေဖို့ ဆုတောင်းရသူလို ဖြစ်နေလိမ့်မယ် ။။။”

ကျမရင်ထဲမှာ ဟာသွားတယ် ….
သေချာတာတခုကတော့ ကျမရဲ့တောင်းဆုအတွက် ကြယ်ပွင့်လေးတွေ ဘယ်လောက်ပဲစတေးပေမယ့်၊သူဟာ ကျမဆီ ဘယ်တော့မှပြန်လာမယ့်သူတယောက် မဟုတ်တော့ပါဘူးကွယ် ...

ဒီလိုပါပဲ ....ကျမဟာ ဘယ်တော့မှ မပြည့်နိုင်တော့မှန်းသိတဲ့ တောင့်တမှူတွေနဲ့ အိမ်ရှေ့ဝရံတာလေးမှာ အချိန်တော်တော်ကြာ ရပ်နေမိတယ် ။။။။။။။