လောကမှာ ကိုယ့်ကိုယ့်ကိုပြန်ရှာရတာလောက်မောပန်းစရာမရှိဘူးဟု ကျမထင်သည်။
“ဘယ်မှာလဲ…. ကျမ ဘယ်မှာလဲဟင်” ကျမ မောလိုက်တာ။ ဒါပေမယ့် ကျမ ရပ်နားလို့မရသေးဘူး။ ကျမကိုယ်ကျမ ရှာရဦးမယ်။
ဟော.. တွေ့ပြီ ။
“ဟင် ………….ကျမ … ကျမက…. ကျမက… ”
“ဘယ်မှာလဲ…. ကျမ ဘယ်မှာလဲဟင်” ကျမ မောလိုက်တာ။ ဒါပေမယ့် ကျမ ရပ်နားလို့မရသေးဘူး။ ကျမကိုယ်ကျမ ရှာရဦးမယ်။
ဟော.. တွေ့ပြီ ။
“ဟင် ………….ကျမ … ကျမက…. ကျမက… ”
---- ။---- ။ -----
လေပြေလေးတွေ ပလွေမမှူတ်ပါ။ ငှက်ကလေးတွေလည်း တေးမဆိုပါ။ စွယ်တော်ရွက်ကလေးတွေ လက်ခုတ်မတီးပါ။ လက်ပံပွင့်တွေလည်း လေမှာဝဲ၍ မလာပါ။ သို့သော် ကျမရှေ့ဆီက ကုဣိုလ်ပင်ကြီးက သစ်ရွက်တချို့ ကြွေကျနေသည်။ အချို့သည် လေတွင်ဝဲ၍ ဝေးရာ၊ ဝေးရာသို့ ။
ကျမသည် ဝေးရာသိုိ့ လွင့်မြောနေသောသစ်ရွက်များနှင့်အတူ လိုက်ပါရတော့မည်လား၊ ကျမစိတ်တွေ
ဝမ်းနည်းသွားလေသည်။
ရန်ကုန်ဆေးရုံကြီး ရေခဲတိုက်အောက်ဆုံးထပ်ရှိ အခန်းလေးထဲကကျောက်ခုတင်ကြီးသည် အေးစက်နေသည်။ သူ့အပေါ်မှာလှဲနေသော လူတယောက်၏ ကိုယ်ခန္ဓာသည်လည်း အေးစက်နေသည်။ ကျောက်ခုတင်က အေးစက်နေသောကြောင့် လူကအေးစက်နေတာလား၊ လူက အေးစက်နေသောကြောင့် ကျောက်ခုတင်ကအေးစက်နေတာလား။ ခုချိန်မှာ ဒီပြသနာကအရေးမကြီးတော့ပါ။ ကျမဘေးမှာ ကျမနဲ့ပတ်သက်ဆက်နွယ်ခဲ့ဖူးသူတချို့ ငိုကြွေးနေကြသည်။ ကျမသိကြားနိုင်မည်မဟုတ်မှန်းသိရက်နှင့် သူတို့ငိုကြွေးကြသည်။ ကျမမှ မဟုတ်ပါ။ ကျမ၏ ဟိုဘက်ကျောက်ခုတင်များက လူများသည်လည်း ဘာကိုမျှကြားသိနိုင်လိမ့်မည် မဟုတ်ပါ။ ကျမ၏ဟိုဘက်ခုတင်မှာ အဘိုးကြီးတယောက်၏အလောင်းရှိသည်။ ငိုမည့်သူမရှိ၊ သူ၏ဟိုဘက်မှာ ကုလားမတယောက်၏အလောင်း၊ ကုလားကြီးတယောက်နှင့် ကုလားမလေးတယောက်တို့က ကုလားလိုပြော၍ ငိုနေသည်။ ကုလားလိုပဲပြောပြော၊ မြန်မာလိုပဲပြောပြော၊ အင်္ဂလိပ်လိုပဲပြောပြော ၀မ်းနည်းစရာကောင်းတာကတော့ အတူတူပင်ဖြစ်လိမ့်မည်။ သေခြင်းတရားသည် လူမျိုးမရွေး၊ မိန်းမ၊ ယောင်္ကျားမရွေး၊ အသက်ကြီးငယ်မရွေး၊ ဆင်းရဲချမ်းသာမရွေး၊ မည်သူ့အာဏာကိုမျှမကြောက်၊ လောကတွင် တရားအမျှတဆုံးသည် သေခြင်းတရားပင်ဖြစ်သည်။
ကျမကိုယ်တွင် ကျမနှစ်သက်သော အစိမ်းရောင်ဝတ်စုံကို ၀တ်ပေးထားကြသည်။ ကျမခြေမ နှစ်ဖက်နှင့် လက်မနှစ်ဖက်တို့ကိုပူး၍ အပ်ချည်ကြိုးအနက်ဖြင့် ချည်ထားသည်။ ကျမလက်နှစ်ဖက်ကို ရင်ဘတ်ပေါ်တွင်တင်ထားသည်။ ကျမ၏မျက်နှာကို မိတ်ကပ်များဖြင့် အလှဆုံးဖြစ်အောင် ခြယ်မှူန်းပေးထားကြသည်။ အားလုံးကိုနှူတ်ဆက်ထွက်ခွာသွားမည့်သူတယောက်သည် လှပစရာမလိုဟု ကျမတော့ထင်သည်။ လှပမှူထက်ပိုပြီးအဓိကကျသောအရာတွေကိုတောင် စွန့်လွှတ်ထားခဲ့ပြီးမှပဲ နောက်ဆုံးအချိန်တခုမှာ ဘာမှမလိုအပ်တော့ဟုထင်သည်။ ထို့နောက် ကျမအလောင်းကို ခေါင်းသွင်းသည်။ ရေအိုးခွဲသည်။ ကြေးစည်ထုသည်။ ဒီတလောင်းထွက်သွားလို့ လောကကြီးက ၀မ်းနည်းမှာမဟုတ်ပါ။ ကျမ၏အခေါင်းကို နောက်ဆုံးအနေဖြင့် ဖွင့်ကြည့်ကြမည့်အဖြစ်ကိုတော့ ကျမ မလုပ်စေချင်ပါ။ မည်သူကိုမျှ ဒီထက်ပို၍ ၀မ်းနည်းပူဆွေးမှူမဖြစ်စေလိုပါ။
အလျံညီးညီးတောက်လောင်နေတဲ့ မီးတောက်မီးလျှံက လောကကြီးရဲ့နောက်ဆုံးလက်ဆောင်အဖြစ် ကျမခန္ဓာကိုယ်ကို ကျွမ်းလောင်စေပြီးတဲ့နောက်၊ ကျမဟာအငွေ့တခုအဖြစ် လေထုထဲသို့ ရောက်ရှိသွားခဲ့သည်။ ဒီတချိန်ထဲမှာပဲ ကျမခံစားခဲ့ရတဲ့ ပျော်ရွင်မှူ၊ ၀မ်းနည်းမှူ၊ ပူဆွေးမှူ၊ မျက်ရည်တွေအားလုံးသည်လည်း အဆုံးသတ်သွားခဲ့ပြီဖြစ်သည်။
--------- ။ -------- ။ ----------
ကျမသေဆုံးသွားပြီးသည့်နောက်၊ ကျမကို ကျမလို့ အသိအမှတ်ပြုကျန်ရစ်ခဲ့မည့်အရာသည် ဘယ်အရာများဖြစ်မည်နည်း။
လောကကြီးထဲတွင် ကျမဖြစ်ချင်သောအရာလည်း များစွာရှိသည်။
ဖြစ်သင့်တယ်ဟု ကျမယူဆထားသောအရာများလည်း ရှိသည်။
ထို့အပြင် ကျမလုပ်ကိုင်နေသောအရာလည်း များစွာရှိသည်။
ဖြစ်ချင်သောအရာများနှင့် ဖြစ်သင့်သည်များ ရောထွေးသွားသောအခါ ထိုအရာများစွာထဲမှ ကျမလွတ်မြောက်ချင်လာခဲ့သည်။ ထိုအတွက်ကြောင့် ကျမ၏လွတ်မြောက်ရာ လွတ်မြောက်ကြောင်းကို ကျမစဉ်းစားကြည့်မိလိုက်သောအခါ၊ နောက်ဆုံးတွင် မေးခွန်းတခုကို ကျမ ရရှိလာသည်။
ထိုမေးခွန်းတခုမှ အစပြု၍ ကျမသည် ဖြစ်ချင်တာကိုလည်း မစဉ်းစားတော့၊ ဖြစ်သင့်တာကိုလည်းမတွေးတော့ပေ။ အရာရာတိုင်းကိုလည်း ကျမအပင်ပန်းခံ၍ မလုပ်ကိုင်တော့ပေ။
ထိုမေးခွန်းတခုမှ အစပြု၍ ကျမကို ကျမလို့ အသိအမှတ်ပြုကျန်ရစ်ခဲ့မည့်အရာများကိုသာ ကျမရွေးချယ်လုပ်ကိုင်သွားမည်ဖြစ်သည်။
No comments:
Post a Comment